Ֆրանչիսկոս Պապի 4 ապրիլի քարոզը` ''Քրիստոնեան թող ըլլայ այո-ի մարդ''

(Ռատիօ Վատիկան)  Սուրբ Զատկուայ տօներու առթիւ, հակիրճ դադարէ մը վերջ, դարձեալ սկիզբ առին  Տոմուս Սանթա Մարթայի մատրան մէջ Ֆրանչիսկոս Պապին մատուցած Սուրբ Պատարագներն ու քարոզները։

Երկուշաբթի 4 Ապրիլ 2016-ին,  ներշնչուելով Տիրամօր Աւետման տօնէն, Ֆրանչիսկոս Պապ հաստատեց թէ` ''Տիրամօր ՝՝այո՝՝ն բացաւ դուռը Յիսուսի ՝՝այո՝՝-ին'' ապա  հրաւիրեց հարց տալ եթէ մենք ՝՝այո-՝՝ի մարդիկ ենք կամ ալ  մարդիկ`  որոնք այլուր սեւեռած են իրենց հայեացքը` ուրիշներուն չի պատասխանելու համար։

Ֆրանչիսկոս Պապ, թուելով զանազան անձնաւորութիւններու կողմէ  ըսուած ՝՝այո՝՝-ները՝ որոնց շարքին Աբրահամ նահապետի Տիրոջ պատասխանած ՝՝այո՝՝-ն, հրաւիրեց մտաբերելու Եսայի մարգարէն, երբ՝ Տէրը անոր հրահանգ տուաւ երթալու եւ ժողովուրդին փոխանցելու Տիրոջ խօսքերը։ Եսայի Մարգարէն Տիրոջ պատասխանեց  ըսելով թէ պիղծ են իր շրթները։ Սակայն՝ Տէրը մաքրեց Եսայի մարգարէի շրթները, այնուհետեւ  մարգարէն Տիրոջ ՝՝այո՝՝ պատասխանեց ։

Ֆրանչիսկոս Պապ ապա անդրադարցաւ Սուրբ Կոյս Մարիամի հրեշտակին արտասանած  ''այո''  պատասխանին,  եւ յարեց՝ թէ Տիրամօր  սոյն պատասխանով սկիզբ առաւ  եւ աճ կ՝արձանագրէ  նորակերպ  եւ այլ տեսակի ՝՝այո՝՝-ներ։  Տիրամօր ՝՝այո՝՝ն, այնպէս մը ըրաւ  որ, Աստուած ոչ միայն ժողովուրդին հետ ընթանայ, այլ մեզմէ մէկը դառնայ եւ մեզի պէս մարմին ստանայ։

Տիրամօր ՝՝այո՝՝ն կը բանայ դուռը Յիսուսի ՝՝այո՝՝-ին։

Ֆրանչիսկոս Պապ ապա խօսքը կեդրոնացուց Յիսուսի  ՝՝այո՝՝-ներուն, Աստուծոյ՝ Իր Հօր ըսած ՝՝այո՝՝-ներուն. ՝՝Հայր Թող Քու կամքդ կատարուի՝՝ ՝՝այո՝՝ մինչեւ խաչ, մինչեւ մահ։ Հուսկ հաստատեց՝ թէ  Յիսուսի ՝՝այո՝՝ներուն ներքեւ կը գտնուի Աստուծոյ ՝՝Այո՝՝ն, 

՝՝Տէր Թող կամքդ կատարուի՝՝։

 Ֆրանչիսկոս Պապ խորհրդածութեան աւարտին յայտնեց,  թէ այսօր  տօնն է այո-ին, ՝Տիրամօր ՝՝այո՝՝-ին, որուն ներքեւ կը գտնուի  բովանդակ Փրկչագործութեան պատմութեան ՝՝այո՝՝ն. Եւ ուրտեղէն սկիզբ կ՛առնէ մարդուն եւ Աստուծոյ վերջին այոն։ Աստուած ինչպէս տիեզերքի ստեղծագործութեան սկիզբը ՝՝այո՝՝ ըսելով ստեղծեց տիեզերքը, այր ու կինը, այժմ սոյն ՝՝այո՝՝-ով, կը վերստեղծէ աշխարհն ու մեզ բոլորս։ Աստուծոյ ՝՝այո՝՝ն է ՝որ մեզ կը սրբացնէ եւ Յիսուս Քրիստոսի միջոցաւ մեզ յառաջ ընթանալ կու տայ, ըսաւ Ֆրանչիսկոս պապ ու քարոզը եզրափակեց ըսելով ՝՝ այսօր՝ օրն է շնորհակալութիւն յայտնելու Տիրոջ եւ մենք մեզի հարց տալու արդեօք ''ես  ՝՝այո՝՝-ի մարդ կամ կին եմ,   կամ ալ   ''ոչ''- ի մարդ կամ կին եմ,  որ այլուր կը նայիմ՝ պատասխան չի տալու համար։

Թող Տէրը մեզի պարգեւէ շնորհքը հետեւելու այն մարդոց ու կիներու ուղիին, որոնք գիտցած են  ՝՝այո՝՝ ըսել։